أصدر الممثل والمطرب محمد الشرنوبى بياناً يعلن فيه فسخ خطوبته من منتجة البومه الأول والاخير«سارة الطباخ». أكد الشرنوبى ان الفيديو الذى يظهر فيه وهو يطلب يد سارة من والدها هو فيديو قديم عمره 15 شهراً قامت سارة بإذاعته عندما بدأت العلاقة تنتهى بينهما.وكشف الشرنوبى عن مشكلات عائلية ارتبطت بمرحلة الخطوبة.
إلى نص البيان الذى نشره الشرنوبى على صفحته الرسمية على الفيس بوك…
عایز ارد على شویة حاجات وعلى اسئلة كتیر بتتسإل بقالھا فترة مكنتش حابب اتكلم فیھا. انا طول عمري بحب شغلي جداً ومبحبش اتكلم في اي حاجھ تانیة غیره، بس بقالي فترة علیا ھجوم شخصي غیر مبرر وكلام كتیر لھ علاقة بحیاتي الشخصیة ماحبتش اتكلم فیھا غیر لما اكون جربت كل الطرق في اني احاول احلھا الاول. في “سبتمبر ٢٠١٧” بعد مسلسل لا تطفئ الشمس وحلقات صاحبة السعاده وحفلة الموسیقار الكبیر عمر خیرت واغنیة “مین فینا” مع النجمة الكبیرة اصالة وبعد ما كنت لسة ماضي مسلسل كأنه امبارح وفیلم الممر، جالي شغل مع شركة كبیرة عشان انزلّھم بوست على انستجرام عندي، اللي كانت ماسكة الحملة دي واحدة اسمھا سارة الطباخ .. نشأت علاقة صداقھ لطیفة وكانت بتقنعني اني احترف الغناء .. في فترة كنت عاوز اركز في التمثیل اكتر سارة كانت انسانة جمیلة وجدعة جداً .. الموضوع بعد كدة اتطور من صداقة لعلاقة حب وبقى فیھ ما بینا ثقة و احترام بس دي كانت بدایة مشاكل قویة جداً حصلتلي في حیاتي اھمھا عدم رضا ابویا عن العلاقة دي بسبب ان فرق السن بیني وبینھا ١٥ سنة وده كان السبب الرئیسي ان ابویا مكانش موجود في فیدیو قرایة الفاتحة اللي معظم الناس شافتھ. وبالمناسبة الڤیدیو دة اتصور یوم “٥ ابریل ٢٠١٨ “یعني من سنة و٣ شھور تقریباً وفضل ابویا زعلان مني فترة و ماتصالحناش غیر لما حضرلي اول حفلة اعملھا في حیاتي وده كان السبب في ان لما قدمتھ عیطت ونزلت من عالمسرح. المھم، نرجع للي كنت بقوله .. قبل مایبقى فیه خطوبة او حتى اي شغل مابینا كان عندي اكتر من عرض من شركات انتاج اغاني كبیرة اني اعمل البوم بس كنت حابب اعمل كل فترة اغنیة جنب التمثیل .. فضلت سارة تقنعني كتیر اننا نشتغل مع بعض ونعمل البوم انا وھي والقرار دة كان مخیف جداً بالنسبة لي لأنھ كان معناه اني مش ھبقى عارف اتفرغ تماماً للتمثیل، وده اللي حصل فعلاً بعد كأنھ امبارح. اقتنعت و ابتدینا نشتغل. بعدھا فوجئت بیھا بتقدملي عقد احتكار مدتھ ١٠ سنین والشرط الجزائي اللي في العقد 600,000 دولار ومالیش حق امضاء اي عمل سواء تمثیل او غناء .. و للأسف دي غلطتي .. انا كنت متخیل ان شروط العقد دة؛ الشروط المتعارف علیھا، و لما خفت و قلقت من الشروط دي شویة كانت سارة بتقنعني ان دي مجرد شكلیات وان كل حاجه ھاتتم بالتراضي وقالتلي بالحرف “اي وقت ھاتیجي تقولي فیه ان العقد دة مش مریحك ھدیلك العقد .. عمري ما ھغصبك على حاجھ” و بسبب ثقتي فیھا وحبي لیھا وافقت على كل ده ووافقت كمان اني امضي العقد ده رغم انه كان معمول بتاریخ قبله بحوالي ١٠ شھور (بتاریخ الیوم اللي قابلتھا فیه تقریباً) .. ومن بعد ما مضیت العقد و بعد ما قریت الفاتحة اللي وقفت قدام كل الناس فیھا .. لقیت طریقة تعامل مختلفة تماماً وتوتر بدون اسباب بیحصل بیني وبینھا .. فسخت الخطوبة شھر یولیو ٢٠١٨ یعني بعد ٣ شھور بالظبط من قرایة الفاتحة وماكناش لسة ساعتھا اشتغلنا على الالبوم .. وقلتلھا اني مش حابب اكمل شغل خلینا اصحاب احسن .. وكان فیھ محاولات معایا من ناس كتیر مشتركة ما بیننا عشان یصلحوا الموضوع لاكتر من شھر .. ووافقت اننا ندي نفسنا فرصھ تانیة كتجربة عشان كان عندي مشاكل كتیر في طریقة التعامل .. ورجعنا وكانت الحیاه كویسة في الاول ورجعنا نشتغل تاني وبعد فتره بدأت المشاكل ترجع تاني وبشكل اسخف واتسببت في مشاكل كبیرة بیني وبین اھلي واصحابي القریبین وحتى اي حد في الوسط بقى بیتجنبني او بیتجنب التعامل معایا لمجرد ان ھي اللي ماسكھ شغلي عشان طریقتھا مكانتش الذذ حاجھ خالص .. و بدأت تحاول تتحكم في كل حیاتي وعلاقتي بكل اللي حوالیا .. ولما حاولت امشي تاني .. ابتدا یبقى فیھ استخدام لفكرة العقد بشكل واضح والمشاكل بقت شخصیة ومھنیة .. ولما مارضتش اكمل في علاقة انا حاسس انھا مابقتش مناسبة لیا ولا انا ولا الطرف التاني، ابتدا یبقى اسالیب تانیة للضغط .. اخرھا كان فیدیو الخطوبة اللي نزل واحنا اصلاً مش مع بعض .. ولاني عمري ماكنت حابب ان حیاتي الشخصیة تبقى مجال للكلام و لان فعلاً الخطوبة دي حصلت في یوم من الایام ولإني عمري ماھجرحھا او احرجھا، ماعلقتش خالص على وعد منھا اننا ننزل بعد فترة ان الخطوبة اتفسخت لان احنا فعلاً دلوقتي مش مخطوبین .. عدم ردي على الڤیدیو في الفتره دي خلاني اكتشف انھا عاملة مشاكل مع ناس كتیر وبقى عندي معلومات وحاجات ماكنتش حابب اني اعرفھا عنھا .. مع ذلك برضھ كنت دایماً بسعى اننا نخرج بالمعروف ومن ساعتھا بقى فیھ شكل اشرس في التعامل .. ولإن ھي بس اللي لیھا الحق في الامضاء على العقود .. وھي مابتردش على اي حد بیطلبني في شغل .. فا بقى شغلي واقف و حتى فلوسي القدیمة مش عارف اخدھا منھا وفیھ حملات غیر مبررة وغیر منطقیة معمولة علیا و فیھا تجریح شخصي لیا ولعیلتي .. ومحاولات لعمل مشاكل بیني وبین الصحفیین اللي عمري ماكان بیني وبینھم مشاكل وبكنلھم كل احترام .. مع العلم ان من اقوى نقاط القوه عندھا المیدیا والصحافة والعلاقات العامة بحكم شغلھا ومع العلم برضھ ان شركتھا لسة المفروض بتمثلني وبتدیر اعمالي انا كنت ملتزم الصمت ومش بتكلم في التفاصیل دي كلھا عشان كان بیني وبینھا عشره وعیش وملح .. بس واضح اني كنت غلطان عشان نیتي كانت سلیمھ شویة زیاده والطرف التاني ماحطش اي اعتبار لكل الحاجات دى. دي المرة الوحیده اللي ھاتكلم فیھا عن الموضوع ده ومش ناوي اتكلم فیھ تاني ولا على مستوى الصحافھ ولا على مستوى السوشیال میدیا. والمرة الاولى وبإذن الله الاخیرة اللي اضطر اتكلم فیھا عن حاجة لیھا علاقة بحیاتي الشخصیة، بس كان لازم اشرحلكوا ایه اللي بیحصل عشان كل التساؤلات اللي بتحصل بقالھا فتره.
